<美味>~*青森夏之餐目@ 千両~*

最近在廣告牌中, 見到千両推出了新MENU
今次主題係「青森夏之餐目」
印象中無線既旅遊節目中, 青森只有蘋果(笑~)

在好奇心驅使下, 就拉住閨蜜去試吓先

「青森夏之餐目」的MENU都有幾款菜式, 我地二個女仔揀左以下既東東試吓味道如何~

首先點左活帆立貝三點刺身 

呢款有齊三種唔同既帆立貝刺身做成, 一次過試齊幾款味道, 唔錯呀!
分別以 原味、黑松露醬配三文魚子及飛魚子沙律汁的方式配制
帆立貝肉質又夠嫩滑又甜又香, 每一口都絕對係味覺既大享受!

值得一讚係佢地連群邊都爽脆到極, 相信每位朋友試過都會愛上!

再配上呢度特製既海膽醬, 係由新鮮既海膽調製而上
 味道濃郁又唔會搶去帆立貝既甜同香
令人一試難忘!   

有美食又怎少得美酒?

今次點左豐樂 純米大吟釀來試試~

純米大吟釀係由六花酒造特別為千両釀製的精華
而華想 純米大吟釀更使用榮獲青森縣推薦優良酒造米的「華想」米種研磨到40% 
經過低溫發酵，於酒窖陳釀
以優雅香氣與米的美味調和
即成華想 純米大吟釀
聽服務員講, 呢款美酒更於2016及2018年兩度榮獲世界最高權威單位 International Wine Challenge品評會之純米吟釀、純米大吟釀級別的金牌獎

雖然小妹酒量尚淺, 但覺得呢款大吟釀有淡淡酒香, 而且非常容易入口,
而且能夠提升食物味道既層次, 女仔都會覺得好飲~

活帆立貝壽司 (2款) 

再來都係帆立貝~
呢二款分別以手握壽司和軍艦的方式上桌
個人比較喜歡手握的, 因為可以大口大口地品嚐甜美又彈牙既大大件活帆立貝
果種芳香又清甜既感覺, 真係只有活帆立貝獨有
另 軍艦都唔錯, 最喜歡又甜又爽脆既群邊, 二件絕對唔夠喉!
 

 

平目刺身拌海膽醬油 ($220)

平目又稱「左口魚」或「比目魚」
以清甜甘香為名, 一直都係日本最受歡迎既高級魚類之一
師傅以薄切 (但都唔會太薄, 厚薄適中)既方式, 一大碟鋪滿平目
每片平目都晶瑩剔透, 充滿豐潤既魚油和香味
而且一點腥都冇架!! 無論沾上海胆醬又或普通醬油
都絕對冇搶走平目既味道, 係好清甜好Fresh 果種魚既味道~

活魷魚刺身拌海膽醬油

活魷魚壽司 (2件)

魷魚肉質好爽, 帶清甜的味道, 再伴以咸鮮既海胆, 兩者完美融和, 再配上好有咬口既日本壽司飯, 一啖一件為味蕾帶來刺激~

平目 (唐揚/鹽燒/汁煮) ($198)

一味幾食, 平目 (左口)分別以唐揚、鹽燒、汁煮來調制, 帶來幾種唔同既味覺享受! 
個人最喜歡唐揚(炸) 因為翼旗骨位脆卜卜, 好好食, 脆到連骨頭都鎔化, 可以成件吞下肚~~
而鹽燒同汁煮就能食到原件平目, 對於中意食啖啖肉既朋友來講, 應該非常滿意!

最後以蘋果批伴雪糕 作結~

蘋果批口感異常清甜, 由青森直接空運到港，清甜爽脆，配上幼滑呍呢拿雪糕，令人一試傾心! 估唔到係日式壽司店都食到咁高質既甜品!


千両
尖沙咀彌敦道19-21號九龍酒店B3層B3-01號店  
23679368

 

<美味>~ * 食完又想再食@日日涮~*

平日同Friend 子想不到什麼好吃, 通常都會去牛X牛X食一人火鍋,
貪夠方便又衞生~~~

最近住係美孚既Friend子發覺佢住既美孚新村4期商場開左間火鍋店叫 - 日日涮
有幾款唔同質素既肉揀, 價錢親民, 不過最重要係有魚生盤同海鮮盤送呀
所以就立即去訂位, 同佢一齊去試試了~

已經有好幾年冇黎美孚, 昔日既舊區而家已經大翻新了!
新開左商場, 而且食肆都幾多選擇
以後又有新地點去食野了~

我地就係揀呢個放題了! 一人一窩, 有自選肉類, 海鮮盛合, 刺身盛合, 仲有自助區任食蔬菜呢~

分別有幾款唔同既肉類揀, 包括: 美國肥牛、美國頂級牛小排, 澳洲和牛, 日本霜降和牛等等

每個選擇都有三款唔同既肉類
仲可以有六款自選湯底揀
亦可分90分鐘同120分鐘任點任食

個人覺得選擇彈性好高, 豐儉隨人, 相當唔錯!

每人仲有一杯哈根大師又或MOVENPICK雪糕, 正~

如果揀120分鐘就會送上海鮮盛同埋刺身拼盤架LA!!

另外出面仲有自助區, 可以揀各類蔬菜, 醬油, 烏東, 選擇好多, 真係食到飽一飽先走~(容后介紹)

 我地當然揀左120分鐘果款LA~~~因為海鮮盛真係不能錯過!!!
你睇吓, 陣容幾強!!! 

海鮮盛有龍蝦, 鮑魚, 蜆, 扇貝等等, 質素好高, 個人大大力推介, 不能錯過!
而極上刺身拼盤就有三文魚, 甜蝦, 劍魚腩, 北寄貝, 黃金魷魚, 吞拿, 帶子, 赤貝, 立魚, 海胆
(好好好新鮮!) , 牡丹蝦等等~~~

鮑魚上到來仲係生猛到郁, 真係好新鮮, 食落去好鮮甜好彈牙, 出面真係好難食到質素咁高既鮑魚!!! 好好食呀!!!

 扇貝都好新鮮, 中間既肉好柔軟, 食落去好香好鮮甜!! 周邊既群邊都好好食!!

另外生蠔, 大蝦, 聖子等等, 真係冇得輸, 所有材料都既新鮮又大隻,
稍為滾一陣就食得, 肉質又彈又鮮嫩, 只係食呢個都真心值回票價!

好了, 以為海鮮盛合完了, 未呀!!!

因為每人仲有大大大隻龍蝦一只!!! OMG!

大隻到,,.....個鉗好多肉肥美呀!!!!

放係自己個小天地窩窩度滾滾..嘩, 好快就食得了!!!

因為龍蝦都幾大隻既闗係, 佢啲肉可以成塊起出來, 肉質又爽又鮮甜又紮實
好新鮮好好食!!!! 仲有近蝦頭果啲肥美既膏呢~~~ 好正!

食完啲瞉可以放番入煲繼續滾,等啲湯再鮮甜D~~~~嘻~

食完海鮮盛合, 輪到魚生盛出場!!!

嘩, 又係陣容強勁, 全部材料包括三文魚, 甜蝦, 劍魚腩, 北寄貝, 黃金魷魚, 吞拿, 帶子, 赤貝, 立魚, 海胆, 牡丹蝦排列整齊, 遠遠都聞到新鮮魚生既清香甜味~~~

所有魚生都試齊了, 樣樣都真係好肥美又好好食!!! 完全唔似出面將價就貨既放題,
啲魚生真係好似高級壽司店提供既一樣, 有鮮明既光澤同埋新鮮既魚生香味!

不過我覺得海胆真係超級好食！！！口感好豐潤而且一啲都唔腥, 食後有after taste, 齒頰留香, 好好食!!!

自助區有各式各樣既蔬菜, 瓜類, 仲有湯, 醬汁, 調味, 烏冬, 飯, 丸丸等等,
種類選擇都好多, 我食左二轉都試唔晒啲野, 因為實在太多好野食~

有各款湯料醬汁, 自行混醬~

太多野食既闗係, 隨便試左烏冬, 蓮偶, 仲有芝士丸丸, 金菇菜, 粟米, 生菜等等,

發覺質素真係好大保證, 全部食物都好新鮮, 鮮嫩爽口, 難怪呢度大排長龍了!

唔記得講我既湯底添~我揀左牛肉湯底, 呢款湯底好有牛肉味, 但又唔會太咸,
烏冬索晒啲牛汁真係好好食呀!!!

肉類我地試左二款, 分別係日本霜降和牛同埋美國頂級牛小排

兩款肉類同樣都新鮮嫩滑, 而且油份分佈平均, 食落去唔會太肥, 但就充滿住牛既芳香,

而且非常Juicy, 最重要一點係可以係120分鐘無限添加, 真係好有物超所值既感覺!!

呢間真係太好味, 下星期再約媽咪爸爸來吃~

日日涮

美孚百老匯街69-119號美孚新邨第4期美孚廣場3樓平台P01-P02號舖 

29822231

<美肌>~ 上回~* 展開膠原疍白美肌之旅@膠原蛋白飲~*

雖然工作繁忙, 但對於愛健康的小妺來說,  就算日常生活習慣不太良好,
但枱面總放上各種有益的Supplement, 希望身體和皮膚都能keep到一定好準
總不成照顧了工作就忽略了健康和容顏呢~

魚油, b群我都有吃, 身體機能是好了不少, 但是對於肌膚就似用處不太大~

最近聽朋友說, LANEIGE推出了全新 5000 mg 膠原蛋白美肌飲

新加綠茶 GABA，能有助減壓助眠

亦能促進肌膚於晚間黃金修復期回復水嫩彈滑

肌膚要滋潤緊緻，就要不斷注入養份!!!

年紀漸大, 說實皮膚彈性是一年比一年弱, 有時按皮膚下去, 良久都不會回彈
很多位置都是凹凹的><"

比起廿歲那年的皮膚狀態, 現在真的有時慘不忍睹的感覺~

毛孔, 色斑, 乾紋皺紋再加上欠彈性, 很想哭呢~

好了, 我要加油, 現在就展開我的美肌骨膠原之旅, 為皮膚彈性FIGHTING!!!

LANEIGE膠原蛋白飲一盒三十枝, 每枝25ML, 我習慣於晚飯後就喝上一枝

味道幾易入口, 酸酸甜甜, 有點點紅石榴的味道, 好味~

由於它蘊含5000mg膠原蛋白，把握晚間黃金修復期
補充並激活膠原再生，肌膚緊緻彈滑
真的很期待~~

我已開始服用, 兩星期後再來和大家看看效果吧~

https://www.facebook.com/LaneigeHongKong/
https://www.laneige.com/hk/zh/product/collagen.html

我和ah bee的facebook開通了
 歡迎來到這裡探訪: 

  Link : Bee Happy