<美味>~ 蝦兵蟹將一夜@富臨薈~*

家姐要結婚了!!! 

上星期和媽咪佢地係沙田談婚事酒席, 一場來到就自然去左富臨皇宮傾,

家姐話順便應下佢地既食物質素如何, 如果好既話就睇吓呢度擺番幾圍同親戚朋友食餐食喎!

沙田既富臨皇宮我其實都食過幾次, 每次來都覺得食物味道好好, 點心賣相又靚又好食!

再加上環境舒服又衛生, 所以每逄一大班朋友要食飯, 我都推荐黎呢度架!

原來酒樓最近新推出左幾款食品, 我地就點左幾款試吓啦~

包括:

鮮蝦菜苖餃

黑金流沙包

黑松露炒露荀蝦球

避風塘蝦兵蟹將

桂花雪梨

芒菓菠蘿沙冰

士多啤梨乳酸沙冰

服務員好快送上熱麥茶, 好清香好甘甜!

好快手服務員又再送上小鴨仔一只, 係吹氣水泡公仔來的, 到底係咩來架呢?

原來係芒菓菠蘿沙冰同士多啤梨乳酸沙冰! 

用上戴左黑超既鴨仔來盛着, 好可愛又吸晴, 打咭一流!

 士多啤梨乳酸沙冰 - 

靚靚既粉紅色沙冰, 視覺上就嬴晒, 感覺非常夏日!!!

沙冰酸甜有度, 唔會太酸, 香味濃郁既士多啤梨打成沙冰，每一口都有着好fresh既士多啤梨香甜, 估唔到酒樓整西式既沙冰都咁有水準!

芒菓菠蘿沙冰 - 

用得意既西瓜水泡來盛住, 又係好夏日又eye catching!

本以為芒菓 + 菠蘿會好酸, 但飲落又唔會喎, 係好香甜帶微酸, 而且成杯都有打到滑一滑既芒果同菠蘿味道, 好好喝!

鮮蝦菜苖餃 - 

一客四只, 菜苖餃好有水準, 入面釀住滿瀉既鮮蝦肉同荳苖, 鮮蝦好爽彈, 再加上荳苖好新鮮, 口感相當清新!

黑金流沙包  - 

之前食過而家再encore!~ 外型一流, 黑色配金色的確型到爆!

其實佢係流心奶黃包來的, 入面啲疍黃好香又滑, 一甩開個包就有黃金流出來, 

好香既流沙疍黃令到成個包都好出色, 值得一食再食!

黑松露炒露荀蝦球 - 

好好送飯既一個餸!!! 大蝦又爽又彈, 用來送飯係無得輪, 再加上用上足料既黑松露來一齊炒, 

味道係十級香!! 再加上爽脆既露荀, 口感清新, 大人細路都like!

我地點左個白飯, 係用上砵仔上, 感覺酒樓用上幾多心思來做Presenation!

靚靚既賣相就更加令胃口大開了! 

避風塘蝦兵蟹將

絕對係今餐飯既亮點之一! 份量十足, 滿滿既龍蝦和羔蟹將成個碟子填滿,

再加上用 避風塘來炒, 火喉十足, 遠遠都聞到果陣香味!!!

 

龍蝦和羔蟹二款都份量十足, 原隻羔蟹真係好大隻, 蟹蓋入面既羔又夠多,

就連鉗同腳仔都有好多蟹肉,  用上避風塘式來炒加左少少辣味,又刺激又好味!!!

 

龍蝦都好大隻呀, 而且肉係爽彈到一個點, 每隻都起到大大舊龍蝦肉,

個人中意龍蝦多啲, 因為唔洗太費力就食到啖啖龍蝦了! 好好好好好食呀!

桂花雪梨 - 養生之選! 原個雪梨口感唔會太淋, 留有雪梨既爽甜, 再灑上桂花, 甜甜地, 清熱潤肺味道又好!

富臨薈

沙田正街11-17號偉華中心2樓9A-9B舖 

25700168

<美味>~* 好味點心專門店@粵廚點心專門店~*

一向都好中意去茶樓一盅二件, 不過上星期時間有啲緊, 

所以就同左老豆媽咪去左點心專門店食點心, 快快食完快快開工~

係佐敦附近行左一陣, 見到呢間起正大街既"粵廚點心專門店"

地方好似又大又唔錯, 門面幾乾淨又幾多客幫襯緊

望下價錢唔貴, 於是就入去了~

原來呢間粵廚我一直都有幫襯開! 我平時去開深水埗店

估唔到原來都係佢既分店, 呢間地方比較大, 舒服好坐好多~ 

我地見唔係幾餓, 就點左幾款點心, 包括有懷舊糯米雞、養顏薑汁糕、香茜牛肉球、臘腸蒸雞飯、煎疍牛肉飯等等

懷舊糯米雞 - 份量都幾大, 糯米好軟糯、入面材料好豐富呀!!! 有咸疍黃,雞肉,香菇, 一打開香味四散呀~

 

 以28蚊來講都好抵食, 材料好足, 雞肉都好嫩滑, 食完飽肚滿足!

香茜牛肉球 - 水準之作, 三大粒又嫩滑又彈牙既牛肉, 肉質彈牙, 再加上香茜同小粒既馬蹄, 好香好好味! 灑上點酸酸既喼汁, 開胃醒神!

臘腸蒸雞飯 - 份量好多,有幾塊大大既蒸雞肉再加上三片臘腸, 雞肉肉質好嫩滑, 食落去好juicy又有咬口, 再上臘腸都好好食, 正!

煎疍牛肉飯- 牛肉怪又再encore 牛肉, 牛肉好嫩滑呀!!!質地唔會鬆散但又唔會太實, 口感好好!

再加上疍味十足既煎疍同惹味既醬油, 豐富又飽肚!

養顏薑汁糕 - 煙煙韌韌, 口感qq, 甜度適中唔會太甜, 有陣陣薑味但又唔會辣喉, 好食呀!

粵廚點心專門店

油麻地彌敦道466-468號地舖  

24543339

<美味>~* 爽脆既烤鰻魚! @炑八韓烤~*

說到韓燒, 要坐得舒服企理, 而且質素有保證, 我想信大家都試為炑八不錯~

我和家人是久不久到這裡Gathering, 因為它不時推出抵食套餐, 而且它們的五花腩相當唔錯, 

所以都係我地既食堂之一~

今次炑八又有新套餐了, 係食鰻魚呀!!! (聽見都流口水了!!!) 媽咪話四人套餐幾抵食, 有燒肉拼盤 (包括厚切牛舌、五花腩、大蝦 、鰻魚、LA骨, 護心肉、 仲有乾冰八爪魚冷麵同芝士疍卷,
甜品就有西瓜冰沬, 仲有醬油三文魚飯同埋袖子冰茶一JAR!

份量十足!

兩款套餐其實都好吸引, 二人餐約HKD 588, 包厚切豬五花, 春川辣雞, 霜降牛小排、厚切牛舌、大蝦、紅魚扒、仲有乾冰八爪魚冷面, 甜品都係包西瓜冰沬和任選飲品二杯

啲野好快就上齊了!! 效率好快, 而且服務員好NICE 又好笑容, 次次來炑八都覺得好開心!

前菜就上左四碟, 係可以無限任添的, 個人中意泡菜同芽菜, 好爽口又唔會太辣, 好味!

而爐邊就淋上左泡菜疍同芝士粟米, 個人大愛呢度既芝士粟米, 芝士又QQ又拉絲, 好好食!

好快就上左燒肉拼盤同鰻魚了, 賣相好仙景呀, 因為有好多乾冰造成既煙噴出來, 效果一流!

乾冰散左, 見到好新鮮既各式烤肉同海鮮了!! 份量來講唔算太多, 不過真係好新鮮!

而且每樣食物都唔會細細舊, 聞到有陣陣新鮮既香味同光澤感, 好捨得比客人食既~

每樣食物都好高質!!!

主角原條鰻魚 - 本以為鰻魚有啲腥, 開頭有少少怕, 但烤好後真係好juicy, 肉質好嫩滑呀, 一啲都冇魚果種腥味,脆脆地又夠香, 超超超好食呀!

厚切牛舌入口一啲都唔酥!!!有好厚實既牛肉味，食落去好香~~~
而五花腩就無得輸, 烤好後塊膏變脆, 加上肉質好鮮好juicy! 大蝦又大只肉質又夠厚, 好爽呀!
而LA骨和 護心肉都好好食, 少少爽但又唔會淋同鞋, 相信係新鮮既肉先烤到呢個效果~

醬油三文魚飯 -喜出望外既三文魚飯, 佢係用特製醬油醃製, 食落去口感係三文魚刺身, 但就有多一層好鮮咸香既醬油,感覺比起普通三文魚刺身多左多層味道, 好食!而且份量都唔少, 三文魚又係厚切, 滿滿咁鋪滿左飯面, 4人每人可分到一碗~

乾冰八爪魚冷面 - 賣相又係靚靚, 水冷面口感好爽滑, 食落去成個涼晒! 八爪魚雖然份量唔多, 

但夠爽又彈, 再加上其它配菜如雞旦, 青瓜 都清香好味, 成個食落去清淡可口, 食完剛才既烤肉用呢個清清胃口就好了~

芝士疍卷 - 口感似紫菜包飯, 但入面既料都好多, 食落去好實在(如料少會食落去鬆散), 芝麻好香, 成件都好好食, yum!

袖子冰茶 - 原jar上,夠晒4人飲了!! 冰茶比我想像中少甜, 甜度啱啱好,而且有好香既袖子味道,
能消除左頭先烤肉果種油滯感, 透心涼!

最後食番個西瓜冰沬 - 造型好靚呀!!!用上又甜又多汁既西瓜原個餔上, 入面係又香又濃又滑既牛奶冰再加上q彈丸子, 食落去好有甜蜜幸福感覺, 好好食!!!

炑八韓烤

銅鑼灣軒尼詩道502號黃金廣場6樓  

 27255718

 

<活動>~* Lancome Let’s Glow 盛夏粉紅推廣會~*

炎炎夏日, 最佳活動就當然係躲在商場涼冷氣再加shopping啦~~

如果想不到這幾天放工後去哪裡shopping 好, 我有好介紹!

現在尖沙咀海港城有「Lancome 盛夏粉紅推廣會」喔!!!

來遠就見到很多很多玫瑰佈置, 真心好靚好別緻!

粉紅色再加玫瑰, 相信沒有女生會不喜歡吧~ 

今個炎夏，Lancôme為大家呈獻Le Gift 盛夏粉紅獻禮！推出有多款粉紅優惠套裝

今個夏天一起拯救乾燥「肌」艙！ Let’s Glow! 💕

 

說起Lancôme 又怎得少得好用護膚品~~ 炎夏肌膚很易軟燥和缺水, 

所以快快來這裡選購好用又抵用的護膚品才是皇道!

盛

玫瑰粉水系列助您保持最佳狀態，時刻保持水潤亮澤

趕走乾燥「肌」艙！ 

這款是品牌Hydra Zen舒緩抗壓保濕系列

亮點是能補充水份，舒緩肌膚

Hydra Zen舒緩抗壓保濕系列有助對抗明顯壓力痕跡

全天候滋潤肌膚，鎮靜舒適

Hydra Zen Cream-Gel

舒緩抗壓保濕啫喱霜

 

舒緩鎮靜 96%肌膚不適。
此保濕霜蘊含專利舒緩鎮靜神經複合物 (法國玫瑰及牡丹萃取)及積雪草葉精華，同時針對四種引致肌膚不適的傳訊體，有效舒緩肌膚壓力；減少因壓力引致的泛紅、灼熱狀況 ，即時改善肌膚繃緊，令肌膚瞬間回復柔軟舒適。

持續 24小時保濕肌膚。
三酸甘油脂微囊成份(玻尿酸)，即時保濕肌膚，鎖緊肌膚水份，令肌膚角質層內的水份增長達兩倍。
肌膚得到高效深層保濕，更顯柔軟幼滑、舒緩亮澤 

 保濕啫喱霜質地水潤細緻, 含水量超豐富, 很快亦很易就被皮膚吸收!

塗完後皮膚有一種很亮白清緻的感覺, 而且致瑰花味道亦很怡人討好~

Tonique Confort溫和保濕水

保濕力度相當好,淡淡的玫瑰花味令到崩緊的神經放緩,

水漾又夠透徹, 塗後能很快直入肌底, 於潔面後在乾燥的皮膚上立馬補水
皮膚立即回復光滑和柔軟呢~

現場還有很多優惠SET 裝呢~

包括: 粉嫩水潤套裝 HKD 1,365 (含價值2,585) 、嫩肌活膚保濕套裝 HKD 1,480 (含價值2,662)、粉嫩精華水潤套裝 HKD 1,400 (含價值2,595)

每一款都好吸引呀!!!而且每一款套裝都有靚靚粉紅clutch送添~

機會難再, 快些到來吧~

Lancome Let’s Glow Pop Up Counter 盛夏粉紅推廣會:
尖沙咀海港城海運大廈入囗大堂由即日起至8月5日

https://www.lancome.com.hk/zh_HK/

https://www.facebook.com/pg/lancomehk/

我和ah bee的facebook開通了
歡迎來到這裡探訪: 

 Link : Bee Happy