<美味>~ 食物美味、服務態度親切@樂天經典~*

星期六又係家庭日, 正當我頭都大晒諗下去邊度食飯時,

家姐話不如去樂天經典啦, 

因為佢話上個星期同左朋友去樂天皇朝(食上海野)

於是拿拿淋打電話去尖沙咀分店訂位~

樂天經典係尖咀加拿芬廣場, 同一層有樂天皇朝, 隔離就係樂天經典,

兩間都裝修得好靚, 地方又夠大,下次同朋友食飯都唔怕諗唔到食乜了~

餐廳比我感覺食物質素好高, 服務質素都好好, 服務員招呼勤快周到,

整個用餐感覺都好好, 下次會再同朋友黎~

原來又到食蟹既旺季了! 餐廳有多種唔同烹調手法既蟹小菜, 幾款都好似唔錯, 好想食...

今次我點左幾款小菜, 包括:
手工蝦棗、黃金焗蟹、酸辣素羮、海鮮米線四款~

 手工蝦棗 - 份量十足, 一客有成6件, 炸到脆卜卜就上桌, 又脆好夠熱~

手工蝦棗中間釀滿左芋泥同埋蝦蓉, 兩者味道都幾夾, 芋泥質感好滑好有芉香,

再夾左啲蝦棗落去, 令到整個感覺一啲都唔漏, 再加上炸到脆卜卜既外皮, 沾啲喼汁

係一款好唔錯既小食~

黃金焗蟹 - 賣相一流, 蟹真係好好好大隻!!!! 睇下, 個蟹瞉真係冇得輸! 炸漿再加上蟹膏,

令到 蟹膏食落去口感更加香脆, 但食落去又唔會好漏好肥, 其它手手腳腳都幾肥大幾多肉,

媽咪老豆唔洗一陣全部掃清光了~

酸辣素羮 - 口感唔似我地平日食既酸辣湯, 呢款會比較偏酸一啲, 材料好豐富, 有豆腐絲、木耳絲、冬菇絲、旦絲等等, 相當開胃好味~

海鮮米線 - 湯頭好鮮味好清甜, 米線彈牙幼滑、入面有魚片、蝦仁、木耳、豆腐、菜等等,

食落去口感豐富十足, 彈牙美味, 米線迷唔好錯過~

餐廳開到凌晨一點, 絕對係夜貓子一個好選擇!~

樂天經典

尖沙咀加拿芬道20號加拿芬廣場2樓 

28823313

<美味>~* 質素高、價位中等@味道樂居酒屋~*

上次好友請了我到尖沙咀的味道樂吃日本菜, 個人覺得這店的質素都唔錯, 價位算中等吧~

位子雖不太寬敞但都不失Cozy温暖之感~

所以昨天就帶了媽咪來試試~

我和媽咪都點了好多野食呀, 埋單約七百元, 算可以接受價位吧~

我們點了:-

鹽燒雞軟骨
雞骨腸
醬油燒年糕
野菜牛肉湯烏冬
原條成日醬炭火燒鰻魚飯
清酒煮大蜆
香炸薄脆魚片
海胆壽司
大蔥特上吞拿魚腩卷

雞骨腸  - 好惹味! 雞肉好彈牙, 醬汁又濃又香甜!

醬油燒年糕 - 必點!!! 年糕外用左紫菜來燒, 令到本來個皮就更加香脆,
內面有好煙韌好qq既年糕, 甜度又適中, 真係好好吃呀!

野菜牛肉湯烏冬- 主角烏冬入口好彈牙呀!!! 對於烏冬fans覺得滿意~~
另外湯底相當清甜, 有陣陣牛肉味~~ 配料豐富, 有幾款唔同既菇菇包括本菇、金菇菜、冬菇等等,另外仲有椰菜, 全部都唔會過淋, 口感唔錯~~

原條成日醬炭火燒鰻魚飯 - 原條鰻魚真係好好好大條!!!! 用炭火來燒多左陣陣香噴噴既炭火味~鰻魚肉質結實有彈性, 而且無骨絲, 個汁都好好食~~而鰻魚底下盛左份量適中既白飯,
白飯已沾左美味既鰻魚汁, 好好食呀~

清酒煮大蜆 - 媽咪話大蜆好補血架~ 呢款清酒味唔重, 而且蜆肉粒粒又大隻又肥美,仲好爽彈添, 必點~~

香炸薄脆魚片 - 上桌時嚇一跳, 以為係炸蒜~~點菜時本以為係用鮮魚片來炸，
但原來係用獅子狗卷切片再炸, 所以口感有啲QQ 有啲脆啲, 用來送酒都唔錯~

海胆壽司 - 每件HKD 38, 真心好抵食! 海胆味道好鮮甜, 一啲都唔腥, 食得出係靚貨, 而且份量都唔算少, 有啲仲跌左係碟添~

大蔥特上吞拿魚腩卷  - 呢款係我既至愛, 蔥吞拿魚好鮮甜好好食, 入口即溶感覺GOOD呀!
一客6件份量夠多, 只係HKD 78 真心超抵食呀!~!!


味道樂居酒屋
尖沙咀河內道2號地舖

39563122

64855314

<美味>~* 服務周到韓小店@梨滿園~*

和閨蜜在上星期行街食街, 撞啱天氣鬼咁涷,佢建議一係打邊爐, 一係燒烤,

因為係屋企都打左幾次邊爐了, 所以就揀左去梨滿園

  

梨滿園係閨蜜提議既, 佢話去過一次, 覺得價位唔錯, 而且入面既服務員姐姐好好架,

照顧周到, 充滿人情味, 咁就帶我去試下~

坐好後睇下餐牌, 各款韓國美食都有~連醬油蟹都有添~

除了燒烤外, 仲有好多款熱食如年糕窩, 粉絲窩等等, 食物選擇都幾多~

我地揀左個燒肉拼盤, 另外仲要多左個牛舌,應該夠飽了~

二個女仔店員上左6款前菜比我地, 實在太窩心了!

我其中好中意南瓜、西蘭花同埋酸蘿蔔

甜酸有致, 而且醃得好入味, 開胃酸神!

而沙律菜都唔錯, 生菜好脆嫩, 每條都好爽脆~

 

好快我地既燒肉拼盤上了~內容都好豐富, 包括有豬腩肉、雞肉、牛肉等等

二個女仔來講, 一人半碗飯加個湯其實份量剛剛好~

三款肉都好新鮮喲~ 食落去冇雪味~豬腩肉肥肉和廋肉分佈得宜, 燒熟後肥豬膏變得透明而且脆口, 再加上嫩嫩既肉, 好好食!

而雞肉都好嫩滑, 有少少似我地平時食雞扒; 而牛肉都唔錯, 唔會粗鞋, 食落去幾有牛肉味~

閨蜜係牛舌FANS, 就叫多一碟比佢慢慢燒~

份量方面都唔少, 數數都有十一件, 每件都唔算薄切,

燒好後食落去好有口感~

 牛舌多汁嫩滑,唔洗燒好耐, 但就見到好多肉汁BEE晒出來, 仲有好香既牛肉味添!

食落去完全唔酥亦無筋, 連我唔多食牛舌都接受到, 唔錯幾好食~

梨滿園韓國料理

旺角通菜街1A-1L號威達商業大廈Deli2 1樓

26607368

<美肌>~ 乾燥天氣下的補濕3寶@Dermal Therapy ~*

冬天又濕又涷,除了面上的肌膚覺得很乾,
脫粉情況嚴重, 就連身體各處和唇部都在抗議了~
試過坊間多款身體滋潤乳液和潤唇膏
覺得乳液停留在肌膚表層
久久沒有滲進肌底
而且真的還有點黏笠,
也是時候試試適合自己肌膚需要的護膚品了~

最近經好友介紹, 試了來自澳洲乾燥皮膚專家品牌 Dermal Therapy 
針對乾燥及濕疹肌膚，專門研製出一系列皇牌高效皮膚護理產品
含高濃度尿素配方，具強 效滋養功效，能柔軟角質層厚皮
讓產品保濕成份迅速滲透皮膚的底層，帶來持久 顯著的保濕滋潤效果
經臨床驗證，能在 1 天快速深層滋潤脆弱的肌膚，回復原有 的柔嫩健康~~~

今次試了它家的3款好品, 包括:
Dermal Therapy 高效修護潤手霜 
Dermal Therapy 高效修護露  
Dermal Therapy 高效潤唇膏 



效果真的相當不錯, 至少患濕疹的我都可以放心使手,
而且它的滲透力度着實不錯, 塗後皮膚迅即滋潤和保濕
皮膚立即回復水潤和改善脫皮情況
而且一點都不黏笠~ 
  

  
Dermal Therapy 高效修護潤手霜 

蘊含超過 10 種滋養成份，包括10%高濃度尿素 2%矽靈，可軟化角質，並形成保護薄膜，鎖緊皮膚水份，適合乾燥膚質、雙手乾裂、脫皮及痕癢之人士使用，尤其適合經常沾水人士使用，如家庭主婦、部份 職業，如護士、髮型師等。 

 

白色乳霜狀的護手霜質地柔順細緻, 

沒有很厚很黏的感覺

相反是輕盈但不會太薄的那種

塗在手背上超級舒服呢~

一推一抺就令皮膚快速吸收 皮膚立即變得滋潤有光澤 鎖水能力極高, 沒有難聞的化學味動

令人倍生好感 肌膚立即變得柔亮有光澤

就算是我的手背和手指患有濕疹

都一樣沒問題

塗後很舒服又滋潤 大推這個~~~

Dermal Therapy 高效修護露 

 高效修護露蘊含草本精華及維他命 E，成份安全，絶不含人工香料及石油成份，採用天然植物配方，能為皮膚形成透氣的保護膜，將水分牢牢鎖住， 柔軟滋潤肌膚，具有舒緩、保濕、修復、滋養等多重功效，乾燥及敏感性皮膚適用。

冬天因為太乾燥的闗係, 

沖完涼後就要快快塗上滋潤度高的身體乳霜來鎖住水份了!

有時真的很怕黏痴痴的乳霜

因為它會黏住衣服, 好不舒服~

所以選身體乳霜, 我比較喜歡滋潤得來又高效滲透的~

dry skin lotion 含水量高, 可以深層滋潤保濕

質地很柔和亦不會死實
相當水嫩而且好推~

用它來簡單唧些在皮膚上

再打圈就能塗抺好

轉眼間它就直達肌底

深層滋潤亮澤皮膚

肌膚立即變得滋潤有彈性!!!

 

冬天實在有太多paper cut, 如果不小心刮傷, 我都會立即把它拿出來滋潤一下

很多時候都不會出血~~~)

  
Dermal Therapy 高效潤唇膏 

潤唇膏蘊含有 2.5%尿素，溫和軟化嘴唇角質層，有效讓保濕成份迅速滲透皮膚的底層，深層滋潤， 讓雙唇持久水潤飽滿，適合咀唇乾燥及12 歲或以上兒童及成人使用，特別是長期服食西藥 (尤其 A 酸)人士使用

 



雖是護唇霜, 但質地一點都不黏笠
塗在咀唇覺得很舒服喲~~~
質地又不會太厚實
薄薄地塗一層都好夠滋潤了~
感覺輕盈不膩
塗後感到唇部皮膚是立即散發柔亮的光芒

 

             

銷售點：  指定莎莎、萬寧及屈臣氏發售 
查詢電話：   2895 9732 

我和ah bee的facebook開通了
歡迎來到這裡探訪: 

Link : Bee Happy