<美味>~ 出色潮州菜@十里潮香~*

上星期五放工又係同同事一齊揾好西食既happy friday!

我地係開飯揾左一陣, 決定去銅鑼灣開餐, 因為食完飯可以去皇室堡行街!

終於係金百利附近揾到間食潮州野- 名叫"十里潮香"

評語好似幾唔錯, 咁就去試下先~ 

認住佢個logo, 係七公來 (忘了問侍應七公由來)~~

 

十里潮香係樓上鋪, 鋪面雖唔算太多, 但座位都幾多, 裝修都幾靚, 坐得都好舒服~

餐廳主打潮州菜, 基本上蠔餅、蠔仔粥、各式滷味、 咸點甜點糖水都可以揾到,

款式總類頗多, 而且佢仲有啲抵食套餐, 只係hkd 298 就有幾道菜了, 真係唔錯噃~

由於見到花膠螺頭燉翅群湯做緊特價, 於是我就點左一客~ 

好快就上了~翅湯都幾足料, 有一大件花膠, 仲有雞腳, 螺肉同一小裙翅, 以hkd 68 來講我覺得性價比高呀! 

味道方面都唔錯, 飲得出湯好足料, 火喉十足, 雞又香又甜, 再加上好有0趙頭既花膠同翅, 飲完都幾飽肚~

朋友見到有翅湯(足二兩)索價hkd 198, 於是佢就點了一客, 豪一次半次~

翅湯都幾足料, 入面有幾多裙翅喔~ 湯底味道濃郁, 魚翅好有咬口, 貨真價實~

另外仲叫左方魚肉碎飯- 入面有蠔仔, 葸花, 肉碎和湯飯, 首先湯底都幾鮮甜, 又唔會太咸太搶,

蠔仔雖然唔算好肥美, 份量亦唔算多, 但成碗肉碎飯都夠3-4人分, 我地二人一人分到2.5碗, 都幾抵食~

 

荔蓉香酥鴨- 好好食!!!! 簡直係成餐飯既highlight! 外皮係炸到好薄好脆好香口, 食落一啲都唔肥唔油膩, 係好爽身果隻, 入面釀滿左荔芋蓉, 質感好粉嫩, 二者感覺好和諧, 一邊喝茶一邊吃, 一樂也!

 滷水三寶- 鵝腸、鵝肝、鵝肉- 滷水呢度真係做得好出色, 首先滷水汁好香, 味道帶甜又唔會太咸, 唔會搶走鵝既鮮味~ 而鵝肉肥廋剛好, 好清楚食到鵝既肉質, 皮都好香好好食, 唔會有太多肥膏, 而鵝肝都好大塊好嫩滑, 食落去好甘香, 不過鵝腸就有少少肥膏, 對我來說有啲油, 服務員着我下次落order可以落全廋, 咁就唔會有肥膏架la~

最後點左馬蹄綠豆爽- 好清甜好滋味! 馬蹄爽甜清心, 綠豆清熱解毒,食完透心涼!

十里潮香

銅鑼灣記利佐治街1號金百利廣場5樓R2號舖

25900368

 

<美味>~ * 高質鰻魚飯@moshi moshi~*

尋日下午有少少事情要係尖沙咀辦, 所以諗住一個人係附近揾間靜少少既餐廳坐一陣,

食個Lunch避下雨先再出發~

係美麗華附近行左一陣, 見到有間叫Moshi Moshi 地方唔錯, 而且雨天客人唔算好多,

而且又剛剛過左廿點半, 坐得應該好舒服, 所以就入內尋食~

因為一個人既闗係, 我點左荔枝紅茶、汁燒鰻魚飯(跟味憎湯)~

好快地, 我既荔枝紅茶送上了,單看賣相已經拿滿分!!

味道方面, 佢有好香既荔枝味道, 茶味香濃, 甜甜地好好飲!

而且除左顏色好靚之外,紅茶面仲有一顆又大又甜既荔枝用日本牙簽插住, 令到口感更加甜!充滿荔枝香味~

汁燒鰻魚飯(跟味憎湯)~ 

用上咖喱汁伴住. 底部係疍包飯, 上面則放左一件好大塊既鰻魚!

 

日式咖喱口感唔會辣, 反而有陣陣甜味, 而且非常惹味, 單用來伴飯都好好吃~

另外疍包都好好食!! 疍整得好嫩滑幼細, 口感就似炒到好滑既滑疍一樣, 用匙羮細細力就穿破, 

入口充滿濃郁既疍香味, yum!

主角鰻魚都冇叫我失望, 用燒汁整條烤到好脆口, 魚肉一點腥味都冇, 口感結實唔散, 

亦非常有彈性, 整條搽上均勻既燒汁, 配合滑疍+咖喱實在好好食! 

味憎湯同樣高質, 與坊間的高下立見, 味道唔會死咸,而且有點點鮮魚味, 大家有機會不妨試試~

moshi moshi

尖沙咀金巴利道35號金巴利中心地下B舖 

<美味>~ * 食物好食、地方又大又好坐@日悅極尚日式放題~*

上星期放工突然有空不用OT, 當然快快CALL 蜜友去食個HAPPY FRIDAY DINNER,

剛好她又可以準時走人, 所以我地就去左尖東睇吓有咩好食, 又可以坐耐D既餐廳~

卒之我地決定去日悅極尚日式放題

聽朋友講話裝修幾靚而且地方好大, 坐得非常舒服,

食物都幾好食, 坐足2.5小時都只係二百幾蚊

所以我地就來左呢度食日式放題了!

坐低之後,好好笑容既服務員表示我地可以任點任食書仔入面既食物, 

包括有各式壽司, 魚生, 刺身, 仲有熱食, 小食, 炸物, 甜品, 

個人覺得選擇都幾多, 而且試左幾款都好夠水準,

質素明顯好過旺角百幾蚊果啲放題呢~

 攞野食之前, 去周圍行下, 原來呢度有個小小遊樂室, 入面放左啲玩具同埋康樂設施, 

可以比小朋友入來玩下, 好細心!

除左書仔入面既食物, 仲可以出去任食甜品, 糖水, 湯, 汔水, 雪糕(有MOVENPICK同haagen dazs!!!),

帶大家睇吓有咩食先~

甜品款式都真係幾多, 我試左幾款包括芒菓布甸都唔錯, 甜度適中, 另外綠豆沙都好好味又清熱!

生菓都有,西瓜同火龍菓切開一粒粒,雖然方便, 但由於冇野遮住, 衛生就好似差左少少~

沙律BAR都好多選擇, 但因為有其它更加吸引, 我冇食呀!~~~

另外仲有任食既海鮮, 不過選擇唔多,只有涷海蝦, 青口, 螺等等, 口感唔錯, 食落去都鮮甜彈牙~

 

呢度仲有好多前菜, 個人中意螺肉、八爪魚 (好好好好食!!!!), 蓮偶片, 海晢味道唔錯, 幾好食~

湯同甜品都係任食, 試左牛肉湯, 比較濃味, 不過朋友就好中意, 飲左二大碗!

飲品種類都好多, 本地同韓國既汔水, 啤酒, 果汁一應俱全, 不過最窩心係呢度放左幾排唔涷既,
方便唔飲涷飲既朋友飲, 好細心X2!

回到枱子, 我點的食物己來了!
呢個熱烏各好好食呀!!!! 湯底夠味又唔咸, 烏冬軟滑彈牙, 再加上紫菜, 葸花, 實在非常美味,
我食左二大碗~~

燒物都唔錯, 燒雞軟雞和燒雞腎又爽又脆~ 燒菠蘿好香甜!

魚生方面都好新鮮, 最中意三文魚夠肥美, 另外赤貝都好爽口, 餐廳會將ORDER放係一只魚生船度, 靚靚咁Serve出來, 又好味又靚~

因為太飽既闗係, 熱食除左烏冬, 只係試左雞翼同胡麻豆腐, 二款都唔錯,水準之上~

總括來講, 呢度食物質素好有保證, 而且開業只有半年, 裝修又靚又新淨, 再加上地方好大, 

坐得好舒服, 食左2.5小時, 服務員都比你照坐唔趕, 服務攞滿分, 相當滿意!

  

日悅極尚日式放題

尖沙咀麼地道67號半島中心2樓 

23118888

52962896