<美味>~* 超甜美。草苺西瓜疍糕@Lifetastic~*

係IG睇相, 成日見到啲朋友去親澳洲都要去草苺西瓜疍糕,
真係好想好想食呀!


咁啱見到原來香港都有得食了
而且好多朋友試左都話超級好味
所以尋日一放工就帶左朋友一齊去試試~ 

餐廳名字叫LIFETASTIC, 相信是意life is fantastic 的意思, 幾有心思呢~

我和朋友去左尖沙咀THE ONE果間店, 一入門口就已見到店子裝修得好靚、好有氣氛的感覺~

 

店子都頗大, sofa 位都好多, 坐得又舒服又relaxing!

枱子全部用上雲石裝修, 成個格調都Upgrade左好多! 

就咁放件疍糕係枱子影相都靚到一個點~

 

 

望望餐牌, 分別有多款靚靚又美味既疍糕, 仲有不同既咖啡同特飲

雖然價錢唔算好平，但性價比超高，餐牌上寫住, 蛋糕係採用打碎的杏仁代替麵粉

所以係gluten-free (無麩質)架, 食落去比較健康~

我同朋友點左草苺西瓜疍糕, 就咁睇賣相都令人心動啦~

草苺西瓜疍糕，口感清甜，用上草莓、西瓜、玫瑰忌廉、開心果、杏仁、玫瑰花瓣整成，食一啖會開心一整天!

疍糕 上面鋪左靚靚又香噴噴既玫瑰花瓣、下面係以一層層鋪砌出來, 分別有草苺啫喱、甜碎

杏仁奶油、西瓜來製成, 食落去口感超級清新, 果種幸福既感覺真係令人一試難忘!

問問服務員點解冬天都有超清香既西瓜呢? 

原來店子為保持質素, 全年都採用馬來西亞西瓜，所以係唔受季節影響，全年西瓜口感都會咁

多汁咁香甜架~
 
 
仲有, 職員仲話店子會按季節黎調整貨源，例如夏天會採用來自美國的草莓

而冬天時就會用黎自韓國既，所以無論邊個季節都食到甜美既草苺啦~

如果草苺好酸既話, 真係會破壞成件疍糕既口感架嘛~

飲品方面, 我點左靚靚又香濃既rose latte, 賣相一流, 拉花好靚呀~

latte味道唔苦, 甜度適中, 陣陣濃郁既咖啡香令人心怡, 與剛剛既西瓜草苺疍糕成絕配, 飲完一啲都唔覺苦唔覺漏, 係好滿足既感覺~

朋友既香蕉朱古力沙冰- 賣相又係好靚, 見到就開心了~ 
混合着香甜又濃郁既香蕉同埋朱古力既味道, 入口又香又濃, 另外配料如朱古力碎粒同百力枝都好好食,

成個味道好多層次, 超美味呢~

LIFETASTIC Patisserie

尖沙咀彌敦道100號The ONE 4樓L406號舖

25648533