<美味>~ 美味中菜海鮮樓上店@私家廚房~*

早二天是父親節, 為免家中媽媽大費周章去預備,

所以我就早早要想定去哪兒吃好了~

在朋友介紹下, 在旺角的私家廚房訂了位子, 因為它們主打中菜,

另外亦有多款新鮮海鮮可以吃, 所以就來這裡了~

 

私家廚房地方唔算好大, 但裝修好骨子好新淨, 坐得都好舒服,

而且最重要係感覺好乾淨, 服務員都好有禮貌, 招呼勤快~

 

見到生猛既海鮮就引唔住了, 可惜呢幾日小妹我皮膚有少少事,

所以就唔特別叫海鮮了, 等好番先再食吧!

點左一湯二個菜, 首先上桌係薑蔥山根鮮魚卜煲 - 

上桌時熱到滋滋聲, 好夠鑊氣呀!

份量方面真係幾多, 內有6-8件鮮魚卜同埋薑蔥, 好香好惹味!!

而且魚卜一啲都唔腥, 每件都索滿醬汁, 好有咬口0趙頭呢~

魚卜充滿大量膠原疍白, 所以好似我呢啲唔中意食魚既人,

都可以食吓魚卜補充一下呢~

另外叫左白菜仔魚鬆- 魚鬆好多件而且每件都大大塊!!! 切到好厚身, 又夠彈牙,

食落去特別好食, 白菜仔都唔錯, 炒得好爽脆, 而且調味真係幾好味, 夠鮮甜又唔咸,

用來送飯一流!

粟米魚肚羮 - 好重既粟米味, 魚肚都豐富, 而且食落去冇咩味精, 一人可以分到碗半~

 

臨結單時, 餐廳好窩心咁送上冰鎮新鮮菠蘿比我地食, 菠蘿咬落去好甜呀!

而且雪到略硬就更加好味, 食完好開胃!

私家廚房

旺角彌敦道558-560號譽發廣場8樓 

24800288