<美味>~ 小巷中的台式餐廳。食物好味服務唔錯~@ 點子巷~*

昨天放工因為有點事要去太古一轉, 回程時和同事諗住食埋晚飯先
在鰂魚涌附近行吓, 發現在一個小巷仔
有一間食台灣既小店叫"點子巷" 看似不錯
地方細細但都幾Warm
所以就入去試試~

入面地方都幾舒服, 店子小小但好乾淨, 而且因為係巷仔闗係, 

人流不會太多, 所以比較寧靜, 再加上播住旋律優美既韓歌

係涷冰冰既晚上就更加舒服温暖～

先來是糖心雙疍 - 點它來做餸配船家湯麵的~

糖心疍好好味!! 內裡的糖心疍黃好甘香, 流出來的疍汁超級滑!! 再加上疍外表淡淡的煙燻味道, 亦很有咬口, 個人覺得一人一顆份量剛好~

船家湯麵 - 這個是吃完所有菜才送上, 雖然是漏左單, 但店主非常好禮貌, 亦好好服務, 除了立即着廚房煮出來外, 他還特別加了肉燥粒在米粉上呢, 超級體貼的店, 讚!

說回味道, 湯麵比較幼身, 充滿彈性, 食落去亦比較煙韌, 口感好好; 湯頭亦夠鮮美, 再加上好香好嫩滑既肉燥, 個人覺得以二十二元來說都好抵食!

伯爵珍珠奶茶 (熱)  -本來呢度既珍奶係冇熱架,但同事覺得好寒冷,所以就特別又請店主幫忙把奶茶加熱~~

奶茶都唔錯呀, 好有淡淡伯爵茶既香味, 再加上奶香, 令到整杯茶都又香濃又夠滑, 飲左一杯成個身暖笠笠了!

紅燒辣牛腩配船家湯河 - 牛腩整得好夠火喉, 食落去筋肉比例唔錯, 而且辣度剛剛好, 不太辣但就夠香口, 再加上鮮甜既湯底同埋幼身又夠滑既河粉, 成碗秒速食完佢了!

 

 

黃金多士腐皮魚皮- 一客10塊既腐皮魚皮, 是每枱必點項目! 本以為黃金係咸疍黃, 但原來係指類似西多士的那個黃金感覺, 食落去好酥脆, 食得出有魚皮的Q彈和煙韌, 再沾上自家製的雙色沙律醬, 更加滋味!

 

羅漢果菊花茶 - 菊花清新芳香, 再加上羅漢果的淡淡味道, 飲落去好舒服, 亦能清熱解渴~

蝦醬腩肉虎夾包 - 估唔到小店都有點心食! 一件以蒸籠上, 剛蒸好既包包外皮好軟糯, 內裡以惹味既蝦醬煮既腩肉, 好有鮮味但又唔會太咸, 一啖食落去, 腩肉泛出來既油脂更多左一份口感,

整體感覺唔錯, 好味!

點子巷

鰂魚涌海堤街6-16號龍景大廈地下8號舖  

51154094

34805501