<美味>~ 蘭桂坊美味扒店@ Steak Bar~*

星期五的蘭桂坊, 真係好熱鬧! 本來以為只有年輕的男生女生在這裡把酒言歡
但原來都唔係架!! 呢度開左好多餐廳, 各式其式, 我都見到有好多一家大細係呢度開心食大餐!

 

上星期五, 放工後我就約左媽咪去買小小聖誕禮物比舅父
之後就帶她上蘭桂坊等佢見識見識一下,嘻嘻~

行左幾間, 媽咪揀左呢間名叫- steak bar , 係食牛扒既~

店子雖然細細, 但出面都排左小小人龍

仲有陣陣爐火混合牛肉既香味飄出來~

所以我地等左一陣, 就入左去了!

 

點左二個餐, 一個係石燒薄切牛肉, 原個有石爐送上, 可以自己動手燒肉食, 幾好玩!!!

餐除左有一碟生鮮的牛肉外, 仲有一大碗日本飯, 上面灑上好好味既飯素, 更加增添不少口感和美味感, 好好食!!!

 

另外仲有滑滑既麻醬豆腐, 亦有沙律和幾碟調味, 全都都好有水準, 食到lam lam 脷!

 

講番牛肉先, 雖然係薄切, 但我覺得厚薄適中, 隨便放上石爐, 好快就熟而且食得!

食肉質感好好好嫩滑!!一咬就斷而且好有彈性, 肉味好鮮甜亦冇渣, 食得出係好有水準既牛肉黎!! 食完好回味喔!!!

媽咪就點左客羊架, 佢話羊架都唔錯, 入口好香嫩, 而且羊酥味唔重, 好容易入口, 而且冬天又到, 食多啲羊肉好補身, 佢叫我下次再帶佢黎呢度再食過!!

Steak Bar

中環蘭桂坊7號地下

27499908