咁啱我呢個好朋友又要派帖, 所以大家索性約晚飯慢慢談心
朋友好中意食泰國菜,記起ATUM有間店子叫"青花"
都係食泰國野既,所以就立即Book枱來呢度試試了~
青花裝修新派又潮, 好有格調, 旺角店灯光明亮, 坐得好舒服, 啱晒年青一族既口味呢!
而且除左裝修外, 菜式都有好多選擇, 帶少少fushion為主, 唔似得傳統既泰國菜館咁悶, 呢度連芝士奶蓋茶都有得飲!!! 讚!
先來小吃- 泰式烤肉腸串燒- 細細粒既烤肉腸好得意! 咬落去又唔似我地食開既三x牌肉腸, 呢款應該係師傅自己釀的, 口感不會太煙韌, 是比較散一點, 不過肉味十足, 而且件頭大, 一大班人share都唔錯!
黃咖喱海鮮配油酥手抓薄餅- 黃咖喱一啲都唔辣架原來! 仲幾香口添~ 我地揀左配海鮮料, 都幾多份量, 有蜆,蝦,尤魚, 口質爽脆, 食落去好鮮味~
油酥手抓薄餅 - 食落去又唔肥膩, 頗為香口, 配咖喱來食, 實在冇得輸!
惹味拼盤 (小) - 雖然係細拼, 但都好多野食!有雞槌仔, 蔗蝦, 雞串, 蝦餅, 全部都炸得好好食, 食落去唔死實, 好有咬口!
焦糖爆谷花生芭菲- 本以為係一杯杯芭菲, 原來唔係~ 七彩繽紛既棉花糖實在好吸晴!!!
底部放左用花生整成既布甸, 花生味好濃好香, 花生迷應該會好中意! 上面洒左厚厚既既焦糖醬, 不過口感唔會太甜, 上面再放左少少香滑既cream, 再加上入口尖尖既棉花糖, 伴旁係熱辣辣既爆谷, 個人覺得作為甜品控來講, 應該十級滿足, 有多層唔同既口感, 相當特別!
香蕉南瓜布丁- 南瓜味道好濃好突出!!!! 每匙都充滿南瓜同埋香蕉既香味, 香蕉片燒得好香脆, 好味! 不過要注意呢款甜品口感出乎意料唔甜, 係淡口既, 對於唔想咁甜但又想食甜品既朋友來講, 呢份啱晒了!
最後埋單hkd 486, 人均250都唔洗, 有小食有甜品, 有主菜, 都唔錯吧~
青花
34682558
沒有留言:
張貼留言