一連四天的公眾假期, 留港消費的你
相信都一定會周圍飲飲食食吧~~~
我都是一樣, 為食貓的我這幾天都四圍去揾好又抵食的食店
個人平時好中意食下午茶
因為價錢之餘, 我仲可以瞓到皇天八晏先起行呢
朋友說炑八最近推出了下午茶餐
大約只是hkd 48 (仲要唔洗加一)
就有齊前菜, 主菜, 小食, 飲品
咁着數又抵食, 當然要趁假期去吓啦~!
今次來到太子的那間, 由於是潛入地下既闗係
地方都都大, 眼見服務員好多
但真係埋身應你要求的真係好少><"
全餐飯就係不咁追餐追餐追餐
服務員又一副愛理不理既樣子
就算真係幾抵食都好, 都打晒折扣啦~
所以我下次來都唔會再去太子店, 會去其它店...
講番set先, 真係好抵食
總共有8款選擇, 石頭窩飯, 雜錦拌飯都不缺
選擇大路相當唔錯!!!!
一行4人的闗係
前菜佢地比左4款~~~
個人好中意佢既辣泡菜, 保持水準
其它前菜都好好味
不過又係等左15-20mins先上前菜...
小食我點左沙律, 蔬菜很新鮮
全部咬落脆脆聲, 而且份量出乎意料的多
2人share來吃都覺得好飽~
朋友點了糖餡餅, 一樣是在小食類四揀一
這款甜餅好好味呀! 入面係粒粒豆來的
咬落去好鬆化又唔漏, 口感好似台綠的炸綠豆餅
好味唔錯!!!
仲有餐湯添!!!
你真係好難想像有魚湯送!!
真係用鮮魚煲的, 因為有啲碎魚肉和芽菜係湯度
入口有少少腥味, 不過魚湯始終有益健康
少少腥味我都可以接受
好過飲冇新意又口喝既面豉湯吧~~~
主菜我同朋友都係點左雜錦伴飯~~~~
份量超大!!!!入面伴菜配料好多!!
有碎豬, 半熟疍, 泡菜, 青瓜紅蘿蔔絲, 菇菇, 木耳
將佢地全部拌勻, 再倒入隨飯送上既甜辣醬
真係好好味!!
不過如果用石窩上會好啲, 因為用銀盆上好易會涷左
影响之後既口感~~~
餐飲可加hkd 6, 點特式涷飲
我同朋友都係點菠蘿梳打特飲
喝下去微酸, 口感開胃又解喝~~
而且入面有粒粒菠蘿肉
睇得出餐廳每樣野做出來都好有誠意~~
不過都係果句, 上菜太慢, 我地等左成個鐘都未上齊啲野
中間仲要不停催服務員, 服務員又好似冇咩反應
(唔通佢地都係放假mode, 元神出左竅?)
冇厘反應之餘又愛理不理, 好彩最後有個後生仔侍應服務勤快
因為我都發晒火了, 佢最後幫我追齊所有野
但望吓周圍, 我地完餐隔離都翻左2-3次枱
一次下午茶食足1.5 hrs
係呢個繁忙既香港裡, 真係冇咁好閒情係度慢慢等, 浪費光陰
希望餐廳改善一下前線員工既服務質素.
太子彌敦道749號歐亞銀行大廈地庫
T: 2390 6822
我和Bee 的fanpage 開通了喔!!!
己舉辦了很多試用招募活動
歡迎大家一同參與~
大家記緊密切留意喔~
己舉辦了很多試用招募活動
歡迎大家一同參與~
大家記緊密切留意喔~
有問題, 歡迎電我一吓
Email: happypy829@hotmail.com
沒有留言:
張貼留言