<美味>~ 食物巧心思@素食一家 ~*

媽咪最近想買新包包, 見佢呢年都辛苦了, 所以就諗住帶佢出尖沙咀一齊揀~~~

咁係揀手袋前, 當然要醫肚先啦, 見大家想想食清啲, 就來到太子既素食一家~

素食一家都來過幾次, 覺得地方幾舒服, 服務員有禮勤快, 而且呢度唔同出面一啲素食店,

佢係真係落足心機去創出好多創意素菜給大家~

價位方面都合理, 小菜約幾十元左右, 另外仲有素翅、炸物、小菜等等~~~ 

我地點左幾款:

自家齋滷味拼盤

紅燒野生竹笙素翅  

招牌羅漢上素脆面

生磨芝麻糊

桂花桂圓雪耳羮

自家齋滷味拼盤 - 

一次過試齊3款口味, 個人最中意酸齋, 唔會太重味,酸酸地好開胃!

紅燒野生竹笙素翅 - 

比我地街上食到既碗仔翅豪華升級牌~ 湯頭唔會太杰亦唔會太濃味, 入面有好多粉絲和竹笙絲,

每一口都充滿唔到層次同口感~ 一客(大)就夠4人用, 每人可分到2-3碗, 抵食~

招牌羅漢上素脆面 - 這個好好食!!,面炸到好香好脆, 上面鋪左好多雲耳, 粟米心, 冬菇草菇,

獻漿唔會太杰, 食落去好足料好夠味, 但又唔會太咸, 成碟比我地極速清左~

生磨芝麻糊 - 足料好味, 又唔會太水漾漾又唔會太杰, 食得出係自家製唔係用粉溝開水的~

而且芝麻糊補肝腎, 多吃對身體好!

媽咪就食桂花桂圓雪耳羮  - 甜甜地滋潤補肺, 而且桂花令到成個甜品都好香, 桂圓再加雪耳, 

又滋補又美味!

素食一家 

旺角洗衣街145號正華大廈地下 

23938012