<美味>~* 質素極高!@夏麵館~*

說起夏麵館, 不期然勾起我對上一份工既回憶~那時是在ICC 上班, LUNCH 時間多數和同事落去Element 既夏麵館食碗麵, 再回來作戰, 所以我對這店是有點回憶和感情~

適逄我們中間有位好友生日, 我和另一位好友就決定請她去夏麵館試試它家的麵食~ 不過今次選址在荃灣, 因為二位好友不約而同都是在荃灣上班, 就方便她們, 就去哪間吃了~

 荃灣夏麵館我幾年前來過一次, 它是街鋪來的, 地方比較大, 而且坐卡位更可以望到街景~

不過這天下大雨, 人流唔算好多, 坐得仲舒服, 而且服務員更加勤快, 笑口滿面~特別是有位叫May的經理人很nice, 整餐飯都好開心(雖然落住雨...)

 

食過夏麵館既朋友都知道它是上海菜來的, 以麵食為主打, 各款上海小菜, 包點, 點心, 粗炒, 甜品都可以此中尋, 而且價位唔高, 所以都好得我歡心~

我地點左5個菜~

- 蝦球火腿菜胆煨麵

- 蟹粉素雞

- 老上海炒麵

- 蒸銀絲卷

- 菜肉大餛飩 (6粒)

蝦球火腿菜胆煨麵 -

新品來的!!! 可以用四字形容- 足料味美! 湯底唔咸好清甜~蝦球好好好爽呀! 而且有5-6粒, 好足料~另外金華火腿唔太咸, 亦令到湯底吊左啲鮮味出來! 再加上清新既菜胆同爽口既木耳, 令到成個口感都好豐富同好Fresh!

不過當然唔可以唔讚麵條啦, 條條好好彈牙好好食!

蟹粉素雞 - 

呢個亦係新品來的, 索價只係hkd 60, 超級抵食! 你睇下成碟都係蟹粉黎架!!! 而且冇撈其它野, 蟹粉蟹膏好鮮甜, 充滿蟹既味道, 而索雞口感唔會淋, 比較有咬口, 將索雞沾滿濃郁既蟹粉, 一啖咬落去, 嘩, 好食到不得了, 個人試意推介!

老上海炒麵 - 

即係上海粗炒~ 呢款炒得唔會太油太肥, 但又真係每條麵都入晒味,醬汁唔會只係黏在係表面度, 而係每條都吸晒醬汁, 再加上放左啲木耳同蔬菜, 味道唔會太咸, 好好食!

 

蒸銀絲卷 -

飽肚一流, 再沾些鍊奶來吃, 朋友至愛~

 菜肉大餛飩 (6粒)-

份量取勝, 六大粒釀滿菜同肉既大雲吞, 口感紮實, 每一口都有豐富既餡料係入面, 豬肉都好鮮,
味, 不過食完有啲滯XD

實在係太大粒了, 一人食二粒都有啲飽~哈哈~



總括來講, 夏麵館真係好有質素, 我已約左Friends下星期再食過~

夏麵館

荃灣沙咀道328號寶石大廈地下12-15號舖

24483608