媽咪生日, 咁大件事梗係要食好啲!!! 剛好又撞正係佢同爸B既生日,
作為孝順女既一員, 當然係揾間靚靚既日本餐廳去同佢地慶祝!
(其實係我自己中意食日本野..哈哈~)
我今次揀左係尖沙咀既花木, 因為之前同老闆來過一次, 覺得新裝修又雅緻又別具氣派! (花木係新開既), 雖然價位有少少高檔, 不過唔緊要啦, 食材超新鮮又好食, 而且坐位好闊落, 坐得好舒服, 地方又乾淨又整潔, 相信媽咪一定滿意!
食物選擇方面都好多, 前菜, 壽司, 刺身, 鍋物, 炸物, 甜品一應俱全, 真係想食乜都有!
不過頭先提過, 花木係走高級日式料理格局, 例如鍋物咁, 我見到有壽喜燒索價千幾蚊!(我都好想試下XD), 不過一樣有平少少既, 豐儉由人~
點菜之前, 笑容滿容既服務員/經理送上三款前菜比我地食~唔好以為免費就會hea你~呢度一啲都唔會呀, 三款都做得好好, 有着唔同同既味道同口感, 個人特別中意醃八爪魚, 八爪魚好爽脆又夠彈牙, 食完胃口大開!
打頭陣係磯煮鮑魚- 每隻hkd 88, 價位合理, 鮑魚用醬汁煮完再磯燒, 入滿晒味! 而且鮑魚肉質好厚實好彈牙, 群邊爽脆到極, 不過至驚喜係餐廳會切埋鮑魚上半部比你食, 滑滑地好淋好好食!
清酒煮大蜆 - 蜆份量好多, 微微酒香帶出蜆既鮮味, 蜆清潔工作足, 入口無砂, 每顆都清甜又多用, 好食!
御前盛合- 一味二食! 有三文魚春既金箔飯- 矜貴可口, 每粒食都用汁醬來煮, 味道唔重, 鮮味十足! 再加上矜貴既金箔, YUM!
二件壽司肥美又夠香,一口咬下去, 甘魚既魚油係口腔內綻放,
充滿魚既芬芳, 二件絕對唔夠喉~XD
鵝肝多士- 一客二件, 真心估唔到, 好抵食!!! 鵝肝入口唔太肥膩, 芬香可口, 表層煎到微脆, 鵝肝口感豐潤, 再加上青瓜配菜同脆卜卜多士一齊食, 層次豐富, 令人回味!
差唔多用餐完畢後, 餐廳會送上一客三款既甜品, 賣相一流!
蕨餅 - 入口Q彈, 綠茶味道突出, 食後有回甘感~
水信玄餅- 迷你Q版,好可愛, 水晶啫喱味道都幾滑,甜甜地唔錯~
再配上紅豆小丸子同提子- 唔算太甜, 提子味道清新, 再配上彈彈丸子, 好味!
我們再點了抺茶雪糕和抺茶奶涷 - 二款都香滑可口, 抺茶味道香濃, 為這餐完美晚飯劃上句號~
花木日本料理
尖沙咀天文台道8號3樓2號舖
26179222
26179555
沒有留言:
張貼留言