<美味>~* 食物質素好高既大角咀西餐廳@ VILLA VILLA~*

大角咀呢派開左好多食店 (咁當然都執好多啦), 所以耐唔耐呢度就會有新餐廳出現呀,

而我同媽咪就最中意去探險, 周圍食睇吓有咩驚喜發生!

行過埃華街呢度見到有間新既西餐廳開了, 叫做- VILLA VILLA, 冇記錯我應該係北角食過佢,

食物都唔錯, 見開左分店, 當然要入來試吓~

大角咀分店呢度裝修都好新, 地方乾淨, 坐得好舒服, 以中高級西餐廳來講, 大角咀呢度都唔算好多, 對於對食物有要求既客來講, 絕對係好事~~ 

睇吓餐派先, 價位同北角差唔多, 晚餐冇SET提供, 全部A LA CARTE, 所以價位睇落去會高左少少, 不過其實要幾十蚊既餐都有, 點主菜仲有面包同餐湯送, 感覺唔錯~

仲有, 呢度既面包, 薄餅, PASTA, 疍糕都係自家製, 所以質素幾高, 期待~

我同媽咪點左幾款試吓, 包括:

卡邦尼意粉(跟餐湯, 香草包)、蒜香磨菇雞肉意大利飯、雙重士脆薄餅 (加PARMA HAM 另補HKD 30)、ROSE LATTE 等等~

蒜香磨菇雞肉意大利飯 - 

我地特別要求餐廳將意大利飯整淋少少 (因為老人家牙齒不靈光~), 

意大利飯好香滑, 而且廚房特別整淋啲, 令到惹味既汁更能黏着每粒米粒, 磨菇夠香又惹味, 

再加入少少香蒜令到成個飯更加香口, 整體感覺好好~

 

雙重士脆薄餅 - 

可自己補錢加上中意既配料, 每款材料加約HKD 30,

我地加左PARMA HAM係PIZZA上面, 本身雙重芝士就已係好重芝士香味,

食落又唔漏, 係好香, 好惹味又好易入口既芝士, 再加上PARMA HAM 果種咸香,

成個PIZZA都好高水準, 好好味呢~

 卡邦尼意粉 -好好食!!! 意粉爽彈牙! 加入左份量十足既煙肉, 大大加增左鮮味同口感~ 再加上廚師係上面灑左好多芝士粉, 令到成個pasta多左唔少芝味, 好食呀!

點Main course會送上好香好軟熟既香草包同埋餐湯, 即日餐湯係南瓜湯, 飲落唔算太杰身, 

有淡淡南瓜味, 香滑十足, 但飲完又唔會好滯食唔到野果種~

 

 rose latte  - 呢杯係叫我有啲失望, 首先佢係要單點(價: hkd 38)既, 本來以為西餐廳會有出色既拉花latte, 點知一飲下, 原來係普通咖啡機沖出來, 再係上面放玫瑰, 飲落去完全唔係奶味濃厚醇和果隻味道, 而係好普通既咖啡機咖啡, 呢度係扣左少少分數~

大致來講, villa villa 食物質素好高, 如果係飲品方面再做多少少, 一定更加出色~

VILLA VILLA

大角咀埃華街88-102號大全樓地下B及D號舖  

23838111