<美味>~ 又彈又爽又生猛既蝦蝦蝦! @蝦棧~*

上星期去了太子和朋友食飯, 路經一間食"蝦"既鋪頭, 店名叫"蝦棧"覺得好特別!
因為它們的鋪面放了大大的魚缸, 入面放左好多大蝦
啲蝦隻隻都大大隻,而且好生猛又精靈
心想一定要找機會試試
終於尋日有機會試啦~ 
表哥係美國回來, 咁佢請客, 梗係帶佢去食啲新野啦!

黎呢度都係想食生猛靚蝦! 叫左個避風塘蝦- 炒蒜極之惹味! 蝦是超級大隻, 肉質好爽好彈!!!
惹味既炒蒜黏在生猛靚蝦度, 一煲有6-7只大蝦, 百來二百元我覺得好抵!　
 
另外叫左個魯肉鮮蝦湯米都好好好好食!!!! 魯肉好香好滑, 咪睇少佢係肉碎但一啲都唔鞋!
湯底好鮮味, 米粉都好有彈性, 再加上一隻大大的蝦, 以hkd 68來說, 真係好值得一試~

我下次又去食先~ 

黑白卷- 呢個都好好食呀!!! 黑白是指尤魚和墨魚, 內層釀滿又脆又香口又惹味既墨魚/尤魚, 入面仲有好多墨魚粒, 好有口感!! 外皮用上腐皮來炸, 炸得相當香脆, 而且入口又唔肥膩, 一炸好就上桌, 熱辣辣香噴噴又脆卜卜, 不能不食!

最後點左個菠蘿雪芭- 原個小小菠蘿上桌, 可愛度滿分!! 打開菠蘿蓋, 內有好新鮮既雪芭~~雪芭味道不會太酸, 口感相當清新, 而且份量都唔少, 二個share 就剛剛好了~


太好味了, 我一定會再來吃蝦蝦同埋其它台式美食~, yumm!
  
蝦棧
太子花園街233-235號偉雄大廈地下A舖  
2827-7728