<美味>~ * 裝潢靚靚食物高質@ 野玩田店~*

早二天又係尖沙咀和閨蜜去完街, 咁就諗住去K-11 食埋晚飯先
本來我地三個人諗住去ATUM 食甜品和PASTA
但朋友說想試啲新野
於是再周圍望吓
見到有間叫"野玩田店" something wild 裝修好靚呀!!

記得之前都去過太子既"野玩海店"食龍蝦
食物好好味, 所以今次就決定再試試其它田園風味啦~

呢度既裝修好靚呀!以"田園"為主題既餐廳好好好園林, 

因為全部都係木製傢具, 比人好舒服又寧靜既感覺!

而且地方真係好大好大,  無論是一個人來靜靜地食個飯

又或一大班朋友來個gathering 大吃一餐

一樣冇問題!!

 食物方面, 以健康為主, 大熱既superfood 入饌既美食都有好多!

仲有而家大熱既藜麥, 仲有cold pressed juice, 對於成日食咁多合成味精野既都巿人來講

難得可以食得健康啲, 唔錯呀!

  

先order 野飲先, 叫了一杯薑汁蘆薈蜂蜜, 淡淡既薑味再加上蜂蜜既清甜,
蘆薈又有排毒清熱作用, 冷冷既天氣來一杯夠保暖!

我既almond coffee好好飲呀!!! 甜度適中, 唔洗再加糖, 奶又夠香夠滑, 再加上杏仁既果仁口感同埋香氣, 呷一啖立即趕走悶氣, 好喝!

野玩藜麥沙律-另加hkd30加了三文魚!

好豐富既沙律! 入面放了滿滿既藜麥沙律,上面用份子料理做到好似蕃茄咁,食落去酸酸甜甜,好特別!!!再加上新鮮又大塊既煙三文魚,女仔只係食呢個都夠一餐既營養同需要了!

 
 

  

藜麥香草雞胸意大利飯- 口味有啲淡...但呢個真係營養爆灯又健康! 

 
身為superfood, 藜麥本身含豐富疍白質, 10種氨基酸和calcium

而雞胸肉有豐富既疍白汁, 脂肪比例較少, 所以呢款食物係好啱減肥既女仔架~

高營養又healthy, 不過係口味淡左少少~

 楓糖焗三文魚磚- 三文魚厚切成磚, 烤得剛剛好! 魚肉剛熟口感不錯, 三文魚又甘香又鮮甜,

再配上切成薄條既青紅椒和菇菇, 好好味呀!

最後點左燒焗本地黑毛豬鞍架及扒菠蘿配燒汁-

大大件既黑毛豬鞍架肥廋得宜, 切落去每塊都有薄薄的一層油脂

肉亦非常嫩滑, 咬落去有大量肉汁, 一點豬酥怪味都冇

配上惹味既燒汁, 其味無穹, 一定要試呀!

野玩田店

尖沙咀河內道18號K11購物藝術館2樓201號舖  

37554899