一向都知道觀塘多好野食, 呢一年都不停不同既樓上工廠尋食~
最近又揾到間裝修又靚, 環境又好, (個view 真係好靚)
食物仲好好味既餐廳同大家分享吓~
呢間餐廳叫give me 5, 同樣係觀塘一間唔起眼既工廈入面
但係搭lift上到去, 又係別有洞天!!!
因為地方真係好好大!!!!
中間放左部大大大電視, 不停播住熱爆既韓mv
仲有呀, 食野之餘, 呢度仲有桌球同埋飞標比客人玩
真心覺得好正!
食物方面都唔錯呀, 點了炸軟瞉蟹煙肉卡邦尼意大利粉-
原隻炸軟瞉蟹,比我想像中大隻,剛炸好的闗係,好脆口喔~!
另外煙肉都好惹味, 淡淡鮮味再加入去口感細滑既卡邦尼意大利粉
唔錯呀!
另外可加錢升級做4 Course, 包湯, 沙律, 甜品和飲品, 個人覺得必加呀~
因為每樣都好好味~
沙律係parma ham salad, 淡淡既咸香味道, 再配上送上的面包, 不錯的前菜~
不過要注意唔好食咁飽呀, 因為我貪心食左二個包, 所以攪到食包都包左一半,
之後啲野食都食唔晒呢~
湯是周打魚忌廉湯, 口感細滑又冇腥味, 另外仲有切到細細粒的青紅椒, 令到賣相更加好之外,
仲增加了豐富的口感和香氣!
呢度既latte都係好好味! 奶泡細滑, 甜度適中, 咖啡味香濃, 口感不會苦, 拉花仲好靚添!
鹽燒牛舌- 小妹不太好牛舌, 不過都覺得呢款燒到好香好好味! 牛舌厚道適中, 食落去冇酥味,
而且圓潤質感好似食緊好有彈性既午餐肉, 用來送飯一流!
香辣單骨雞翼 - 炸到剛好就出菜, 熱辣辣香噴噴, 皮好脆好好味, 炸漿比肯得基果d 薄好多,
感覺冇咁肥, 而且雞肉好夠肉汁, 好juicy又夠滑, 好好味呢~
Give Me 5
觀塘鴻圖道90號5樓
21140343
21140345
沒有留言:
張貼留言